CANZONE ANTICA

I
'Ncopp' ‘a ‘n'albere ‘e cerase,
‘mmiezo ‘o grano, 
se fa ‘o nido ‘nu canario cantatore
ma ‘nu colpo ‘e viento arriva da luntano
spezza l'albere e ‘o canario…
se ne more…
 
Ritornello:
Ammore, ammore mio,
nun t' ‘o scurdà mai cchiù…
‘O canario songh'io
e lu viento si tu!…
Passione, passione mia,
nun t' ‘o scurdà
nun t' ‘o scurdà!…
 
II
Va ‘na vela sola sola ‘ncoppa all'onna
e nu' sape ca lu mare è traditore…
‘na tempesta schianta ‘a vela e ‘a varca
affonna
comme affonna ‘mmieze ‘e lacreme…
stu core…
Ritornello:
Ammore, ammore mio,
nun t' ‘o scurdà mai cchiù…
Chella vela songh'io
e lu mare si tu!…
Passione, passione mia,
nun t' ‘o scurdà
nun t' ‘o scurdà!…
 
III
Se fermaine ‘na sera ‘o male e ‘o bene
‘nnanze ‘a porta ‘e ‘nu guaglione
carcerato…
“E spiezze…sti catene!…” dice ‘o bene
ma ‘o male vo ca resta…'ncatenato…
Ritornello:
Ammore, ammore mio,
nun t' ‘o scurdà mai cchiù…
Tutto ‘o bene songh'io,
tutto ‘o male si tu!…
Nun t' ‘o scurdà mai cchiù.